Irekitzeko baimenari buruzko erantzukizunpeko aitorpena

Helburua

Sailkatu gabeko jarduera bat hastea (ingurumenerako edo pertsonen osasunerako arriskurik eragiten ez duena), edo titularra aldatzea. Sustatzaileak, arauzko dokumentazioaren bidez, adierazten du jarduera ezarri nahi duen lokalak horretarako behar diren baldintza guztiak betetzen dituela, eta konpromisoa hartzen du administrazioko langileei dokumentuak edukitzeko eta emateko.

Izapidea nork egin dezakeen

Edozein pertsona fisiko edo juridiko, pertsonalki edo ordezkari bidez.

Tramitea nola egin daitekeen

• Telematikoki: orri honen behealdean dagoen Instantzia berria botoiaren bidez.
  • Eskatzailea administrazio publikoekin elektronikoki harremanak izan BEHAR DITUEN PERTSONA JURIDIKOA EDO SUBJEKTUA bada, horrela bakarrik aurkeztu ahal izango du.
• Aurrez aurre, udaletxeko bulegoetan.

Aurkeztu beharreko gutxieneko dokumentazioa

• Proiektuaren erredaktoreak eta ezarpen-obren zuzendariak sinatutako ziurtagiria (DAGOKION ELKARGOAK IKUS-ONETSIA), non egiaztatuko den instalazioak onartutako proiektuarekin bat egiten duela.
• Instalazio guztien behin betiko planoak, DAGOKION ELKARGOAK IKUS-ONETSIAK.
• Proiektuaren erredaktoreak eta obren zuzendariak sinatutako ziurtagiria (DAGOKION ELKARGOAK IKUS-ONETSIA), non egiaztatuko den jarduera-lizentziak ezarritako neurri zuzentzaileak inplementatu direla.
• Proiektuaren erredaktoreak eta ezarpen-obren zuzendariak sinatutako ziurtagiria (DAGOKION ELKARGOAK IKUS-ONETSIA), non egiaztatuko diren egindako neurketak eta egiaztapen praktikoak.
• Obren fakturak edo egiazko kostearen egiaztagiriak, edo proiektuaren erredaktoreak eta ezarpen-obren zuzendariak sinatutako obrei buruzko azken ziurtagiri ekonomikoa.
• Beste erakundeen baimenak (horrelakoak egonez gero).

Nola eta noiz ebazten den

• Erantzukizunpeko adierazpenak ahalmena emango dio eskatzaileari egin nahi duen eta eskabidean deklaratutako jarduketa egiteko, betiere beharrezko eta ezinbesteko dokumentazioarekin batera badoa, eta dagozkion egiaztatze-, kontrol- eta ikuskapen-ahalmenei kalterik egin gabe.
• Inola ere ez dira ulertuko erantzukizunpeko adierazpen bidez eskuratu direla hirigintzako legeriaren edo plangintzaren aurkako ahalmenak, eta erabat deusezak izango dira.